UNED Ourense pecha do 23 de decembro ao 1 de xaneiro de 2024

O centro universitario desexa a toda a súa comunidade unhas felices festas de Nadal e un Aninovo cheo de paz, coñecemento e tolerancia.

OURENSE, 21 de decembro de 2023. Con motivo do Nadal, UNED Ourense modifica os seus horarios. Así, este venres, día 22, prestará servizo en horario matinal. Desde o sábado día 23 de decembro ata o luns día 1 de xaneiro de 2024 inclusive, o centro universitario permanecerá pechado. Desde o día 2 ao 5 de xaneiro do 2024, o servizo prestarase exclusivamente en horario de mañá. A plena normalidade volverá ao centro desde o 8 de xaneiro, xa en horario de mañá e de tarde. As titorías comezarán o 10 de xaneiro.

A Dirección e todo o persoal de UNED Ourense e a súa Aula de A Rúa desexámosche unhas moi felices festas de Nadal e un magnífico Aninovo. 

UNED Ourense

Comunicación