Ata o 6 de xullo podes inscribirte no Mestrado Universitario en Ciencia Política: análise político, políticas públicas e política internacional

11 de junio de 2023

Non ten exames presenciais, impártese en castelán pero é obligatorio ter coñecemento de nivel B2 en inglés. Requírese un título universitaro oficial do espazo EEES que faculte para acceder a ensino de mestrado.

OURENSE, 11 de xuño de 2023. Ata o 6 de xullo está aberta a preinscrición para a segunda edición do Mestrado Universitario en Ciencia Política: análise política, políticas públicas e política internacional da UNED, da Facultade de Políticas e Socioloxía. A diferenza doutros mestrados, este non inclúe exames presenciais entre as súas formas de avaliación. En canto a duración, pódese facer nun único curso académico, con cinco materias cursadas no primeiro semestre (tres obrigatorias e dúas optativas), tres (optativas) no segundo semestre, e o Traballo Final de Mestrado, que pode ser defendido en xuño ou setembro. Igualmente pode realizarse ao longo de varios cursos adaptándose ás circunstancias persoais do alumnado. Ata o 6 de xullo estará aberto o período de preinscrición dos mestrados na UNED. Durante ese período as persoas interesadas haberán de realizar a solicitude de preinscricpión en liña. Posteriormente comunicarase a listaxe de admitidos e, entón, poderase realizar a matriculación propiamente dita. Como no resto de mestrados da UNED, nos últimos días de setembro o alumnado recibirá as primeiras comunicacións e indicacións, e nos primeiros días de outubro, comezarán os ensinos formalmente.

Requisitos

Requírese un título universitario oficial dunha institución do Espazo Europeo de Educación Superior (EEES) que faculte para o acceso a ensinos de máster. Se o título é alleo ao EEES comprobarase o seu equivalencia. O máster está destinado a graduados en Ciencias Sociais. Impártese en castelán pero o coñecemento do idioma inglés cun nivel B2 é obrigatorio. Valorarase o currículo do solicitante, as cualificacións da titulación pola que accede ao mestrado e a solicitude na que se explique o interese por un campo temático da análise política.

Estrutura

MÓDULO OBRIGATORIO (3 materias no primeiro semestre)

Metodoloxía cuantitativa para a análise de datos políticos I
Metodoloxía e técnicas cualitativas en ciencia política
Deseño de investigación e elaboración de traballos científicos en ciencia política

ESTRUTURA DO MÁSTER MÓDULO OPTATIVO (Cursar 5 materias dunha única especialización ou elixidas entre as de varias especializacións: 2 no 1er semestre, 3 no 2º)

Política internacional
As crises e o proxecto europeo
Análise internacional: intelixencia, seguridade e prospectiva
Rusia e China cara a crise da orde internacional Estados Unidos e a UE na gobernanza global e a axenda 2030
O Mediterráneo e Oriente Medio: a súa transformación tras as revoltas árabes
Política comparada
O Estado e a gobernanza global
Populismos en perspectiva comparada
Violencia e poder Democracia e partidos en crises
Políticas de memoria e xustiza transicional en perspectiva comparada
Gobernanza e políticas públicas
Análise comparativa de políticas públicas: teorías e enfoques
Condutas cidadás e políticas gobernamentais
Políticas migratorias
Gobernanza multinivel en España e en Europa: institucións, dinámicas e resultados
As políticas sociais en España: transformacións e retos
Análise política
Metodoloxía cuantitativa para a análise de datos políticos II
Psicoloxía política
Campañas e estratexias electorais
Comunicación política, ciberpolítica e redes sociais
Análise electoral comparada

TRABALLO FIN DE MESTRADO: Segundo semestre.

Durante os últimos anos tiveron lugar numerosos e importantes cambios políticos, sociais e económicos que alteraron consensos previos e modificado os nosos coñecementos sobre moitos fenómenos políticos. O proceso de globalización, o cambio tecnolóxico, diversas transformacións sociais e culturais, ou as novas pautas de competición xeopolítica, entre outros fenómenos, cambiaron a política contemporánea. Estas transformacións obrigan a avaliar o seu impacto sobre a política e o goberno, sobre o proceso político, sobre as políticas públicas, sobre as relacións e a política internacionais, con novas ferramentas e análises innovadoras. O obxectivo deste mestrado en ‘Ciencia Política: análise política, políticas públicas e política internacional’ é precisamente achegar unha formación adaptada a un momento de política cambiante, unha formación moi especializada, unha oferta de cursos ampla que aborda unha gran variedade de temas e que o fai cunha aproximación flexible que aproveita as oportunidades da metodoloxía do ensino en liña. Para cumprir estes obxectivos deseñamos unha titulación que conta cunha importante dotación na aprendizaxe do deseño, métodos e técnicas de investigación e análise política; e á súa vez ofrece aos estudantes aplicar e desenvolver os seus coñecementos a través de catro itinerarios: “Política internacional”, “Política comparada”, “Gobernanza e políticas públicas” e “Análise política”.

Metodoloxía

Este mestrado desenvólvese cunha metodoloxía completamente en liña. Non hai actividades presenciais, que obriguen ao desprazamento do alumnado. As materias inclúen guías de traballo semanal, sesións en liña e contacto regular co persoal docente, pero garantindo as vantaxes do ensino a distancia e en liña.

Avaliación

As formas de avaliación das materias obrigatorias e optativas son moi variadas e todas elas inclúen a avaliación continua.