A UNED amplía o prazo de matrícula ata o 10 de novembro
A Universidade amplía o seu prazo de matrícula para os seus 28 Graos, 11 Graos Combinados, 1 Microgrado, 79 Mestradod, 16 Idiomas e o Curso de Acceso á Universidade para Maiores de 25 e 45 anos ata o próximo 10 de novembro. E tamén, ata o 30 de novembro permanecerá aberto o prazo de inscrición aos máis de 500 cursos de Formación Permanente. O proceso realízase de forma totalmente online.
OURENSE, 23 de outubro de 2020.- A Universidade Nacional de Educación a Distancia afronta o novo curso aínda inmersos na crise sociosanitaria da COVID 19, o que lle obrigou, con mínimos cambios nuns casos, e asumindo grandes retos noutros, a adaptarse ás necesidades dos seus estudantes, coñecer mellor as súas demandas académicas e axustar a súa oferta docente e tecnolóxica aos requirimentos dos alumnos. Un despregamento de tecnoloxías propias posto ao servizo dos universitarios da UNED e unha oferta atractiva para quen afronta un período incerto por mor da crise sanitaria e que este ano inclúe, como novidade, o Microgrado en Historia de España, o primeiro posto en marcha por unha universidade do país.
A UNED parte con vantaxe en canto ás clases en liña, xa que é unha das dúas alternativas das que dispoñen todos os estudantes da universidade a distancia, complementadas coas titorías nas aulas dos 61 centros situados en todas as comunidades autónomas e nas cidades de Ceuta e Melilla, máis os 12 centros internacionais, situados en catro dos cinco continentes. A xeneralización das clases online, con profesores e titores emitindo desde as súas casas en época de confinamento ou desde os seus centros cando foi posible e necesario, resultou unha aposta de rápida implantación.
A súa propia metodoloxía, adoptada agora maioritariamente polo resto de universidades, supón para os estudantes a garantía de éxito pola experiencia acumulada nos últimos anos e a calidade dos materiais e ferramentas virtuais postas á súa disposición. Materiais e ferramentas que en numerosas ocasións ofrecéronse en aberto en distintos espazos, de forma gratuíta e para todo o mundo, durante os meses máis duros do confinamento.
A UNED é a maior universidade española cos seus 200.000 estudantes de media nos últimos anos e o maior campus europeo, con 61 sedes nacionais e 12 no estranxeiro, que asiste tamén ás aulas de exame temporais, embaixadas e misións militares no exterior. De carácter público, basea o seu servizo nunha educación superior combinada online e semipresencial, comprometida coa aposta de “non deixar a ninguén atrás” e facilitar o acceso á formación universitaria a toda aquela persoa que demostre o seu interese e as súas capacidades, independentemente da súa situación económica, laboral, familiar, localización territorial ou funcionalidade física.
UNED Ourense
Comunicación
