Otra forma de ver e comprender a catedral de Ourense
O director de UNED Ourense disertou sobre a sede episcopal como inmoble xerador do urbanismo da vella cidade desde o século XII ata fins do XX. Convidado polo Rotary Club no Liceo de Ourense, protagonizou la sesión del ciclo Conoce Ourense con mayor número de espectadores.
OURENSE, 19 de abril de 2023. Foi un novo modo de ver a catedral de Ourense. O director de UNED Ourense, Jesús Manuel García Díaz, ofreceu unha conferencia que mantivo o interese das máis de 60 persoas que enchían a Sala de Faladoiros do Liceo de Ourense durante 90 minutos. O doutor García Díaz agradeceu a invitación que lle fixo o Rotary Club da cidade e a disposición do Liceo. Abriu o acto a presidenta do Rotary Club de Ourense, Elvira Carregado Pazos. Tras as súas palabras de benvida tomou a palabra o académico doutor José María Eguileta Franco para facer a presentación formal do conferenciante. O público non se imaxinaba que sairía daquela sala coñecendo outra perspectiva sobre a presenza da catedral de San Martiño desde o prisma de ser desde o século XII un importante xerador do urbanismo na cidade medieval. E non só naqueles séculos senón tamén no XX, tendo presente o que o arquitecto Antonio Palacios ideou para a fronte occidental do monumento. Aínda que a conferencia non se centrou en absoluto neste arquitecto, cabe lembrar que Jesús Manuel García é o investigador que pechou o círculo de estudos sobre o exterior da catedral auriense, completando toda esa bagaxe coa súa investigación que lle permitiu reconstruír a historia da actual praza de San Martiño.
Un dos planos utilizados marcando o famoso oito que forma o centro histórico, explicado polo conferenciante nun discurso que cativou á sala.
"Temos unha catedral espléndida na nosa cidade que señorea o centro histórico desde hai séculos, cal navío que surca o proceloso mar de tellados avermellados da vella Auria. Paga a pena coñecela, tanto se es coma se non es crente, pois iso non nos impide apreciar e cultivar o sentido da beleza mediante estas obras magnas do enxeño humano. Coñecer a nosa catedral é coñecer a historia de Ourense. Non é calquera cousa, dixo García Díaz. O público seguiu a sesión con interese. "Foi a conferencia que máis xente reuniu das que levamos celebradas", sinalou a final Eguileta. O director de UNED Ourense fíxolles a velada amena e non son poucos os que lle manifestaron que quedaron con gañas de saber máis.
De esquerda a dereita: José Carlos Yáñez López, responsable de membresía Rotary Club Ourense (RCO), economista; María Cruz Pérez Fernández, invitada RCO empresaria; Luís Chao Gómez, mestre de cerimonias, arquitecto; Jesús Manuel García Díaz, director de UNED Ourense e relator; Elvira Carregado Pazos, presidenta de Rotary Ourense, arquitecta; Marcos Chao Amaro, tesoureiro Rotary, arquitecto; José Carlos Martínez Pedrayo, Past Presidente Rotary, avogado.
O doutor García Díaz fiou un discurso apoiado en datos científicos e nun cento de imaxes entre fotos e planos urbanísticos da cidade para saber como evolucionou Ourense desde o seu lugar de fundación, a contorna inmediata de As Burgas e como a cidade medieval foise desprazando cara ao norte, sen sobrepoñerse á cidade romana. Xa dicía Vicente Risco que o centro histórico ourensán presenta forma de oito, ordenado de norte a sur. No círculo norteño ou superior, están os edificios potentes medievais e outras construcións xurdidas na súa contorna. Ao sur, no círculo inferior do oito, áchase o que Eguileta define como zona de arrabalde.
Jesús Manuel García fixo gala do compromiso que ten a UNED co patrimonio de Ourense e provincia, desde un punto de vista académico, científico, rigoroso e tamén ameno. Ilustrou con profusión o seu discurso, o que fixo que o espectador gozase co que vía e os comentarios regados con algunhas anécdotas, que lles contou o relator.
O relator, dirixíndose á sala coa mesma emoción que transmitiu aos asistentes, que mantiveron o interese durante máis dunha hora.
Unha vez explicado o urbanismo que foi xerando a catedral a través do tempo, o conferenciante fixo un último percorrido, esta vez pola "avenida" simbólica que faltaba, isto é, un paseo rápido polo eixo principal do templo. Comezando pola praza (a palaciana tiña outro sentido simbólico e litúrxico que a actual non posúe) para, como sucedía na basílica constantiniana do Vaticano, e aínda na actual, pasar da praza ao adro e deste ao nartex e alí, traspasado o Pórtico do Paraíso, tentar facernos unha idea de como para o home medieval facer iso supoñía un verdadeiro acto de gravidade, pois para el significaba pasar da vida cotiá, mundana a outra dimensión, a un ambiente espiritual, por tanto, diferente, que lle transmitía o espazo interior da sede episcopal. Ao termo da conferencia, Jesús Manuel García recibiu a insignia da serie Coñecer Ourense nos martes de Rotary, que José María Eguileta impúxolle na lapela mostrando o agradecemento dos presentes.
Eguileta Franco poñendo a insignia de "Conocer Ourense" a García Díaz tras o relatorio.
Houbo membros do público que pediron a director de UNED Ourense unha visita interpretativa á catedral, ao estilo das que fixo anos atrás, que supuxeron unha novidade no panorama cultural da cidade. Tamén se sorprenderon pola cantidade de información que manexa o relator.
Tras a sesión celebrouse unha cea de agradecemento a Jesús Manuel García Díaz, que chamou a atención para coidar non só a catedral senón a súa contorna e, por extensión, o centro histórico de Ourense, para que non se sigan producindo pintadas nas súas fachadas e para revitalizalo "pois temos unha cidade histórica preciosa na que é un pracer pasear ou sentarnos nalgunhas das súas terrazas. Hai que coidar ben todo ese espazo urbanístico e sentirnos orgullosos da vella Auria", sinalou o doutor García Díaz.
Pin entregado ao relator.
UNED Ourense
Comunicación
