Mapa web
Youtube
Instagram
Campus UNED

A UNED Senior de Ourense abre un segundo prazo de matrícula ata o 30 de setembro 

9 de septiembre de 2019

Xa está completo o cupo de alumnos nas asignaturas de Arte Contemporánea e Psicoloxía e Arte quedando prazas noutras seis 

OURENSE, 9 de setembro de 2019.- O Centro Asociado á UNED-Aula Universitaria da Rúa abre un novo prazo de matrícula para as persoas que queiran participar no programa UNED Senior durante o curso académico 2019-2020.  O formulario está á súa disposición no apartado correspondente desta mesma páxina web e na recepción do Centro Cultural Marcos Valcárcel, sede onde se celebran as clases para estes alumnos veteranos.

O pazo esténdese ata o 30 deste mes. Das oito materias previstas para o novo curso hai dous nas que a matrícula se acha pechada. Trátase da Arte no mundo contemporáneo e a  postmodernidade, e Psicoloxía e Arte: A expresión das emocións a través da pintura.  Si hai prazas nas seguintes materias: Introdución ao cinema, Patrimonio natural e cultural de España; Educación no desenvolvemento sustentable; Galicia a través dos medios audiovisuais; Filosofía Contemporánea así como Inglés básico para comunicarnos e divertirnos.

O primeiro cuadrimestre da UNED Senior empeza o 7 de outubro e finalizará o 3 de febreiro de 2020. O segundo cuadrimestre iniciarase o 10 de febreiro ata o 4 de xuño de 2020. As clases desenvólvense na tarde dos luns e os xoves, desde as 16.30 ata as 20.30 horas.

Carretera de Vigo Torres do Pino  s/n Baixo 32001 Ourense - . Tel. 988371444 info@ourense.uned.es