Mapa web
Youtube
Campus UNED

UNED Ourense celebrará dúas sesións de Portas Abertas o 28 e 29 de setembro

20 de septiembre de 2021

Os novos estudantes poderán seguir, ben en liña ou  presencialmente, o acto no que se lles explicará como funciona a Universidade e o Centro Asociado no que se están matriculando. As sesións comezarán ás 19.00 horas.

OURENSE, 20 de setembro de 2021.-UNED Ourense celebrará os días 28 e 29 de setembro, ás 19.00 horas, a súa Xornada de Portas Abertas para todos os novos estudantes que se están matriculando na nosa Universidade. Haberá dúas sesións, que serán presenciais e en liña, desde o salón de actos do Centro Asociado.

Intervirán, por esta orde, o director, Jesús Manuel García, que dará a benvida aos novos alumnos e introduciraos no universo da UNED. Seguidamente falará o profesor titor encargado da oficina do Centro de Orientación e Información ao Estudante (COIDE), Jesús Carballo. Leste comentará as comunidades de acollida virtual de que dispón a UNED así como o importante labor do  COIE cos estudantes. Por último intervirá o PAS Luís Gulín, para expoñer os detalles das matrículas e xestións administrativas varias. Os asistentes a estas dúas sesións poderán efectuar consultas. Cos novos estudantes que acudan fisicamente ao Centro, farase ao finalizar cada sesión un percorrido polas instalacións para que as coñezan e saiban como funciona devandito Centro Asociado.

A UNED é unha universidade en liña e semipresencial na que podes estudar tanto en España como no estranxeiro. Só necesitas acceso a internet, aínda que se prefires acudir a clases presenciais podes facelo.

Para seguir estas sesións en liña, ones inscríbete gratis aquí.    

UNED Ourense

Comunicación

Carretera de Vigo Torres do Pino  s/n Baixo 32001 Ourense - . Tel. 988371444 info@ourense.uned.es