Terrorismo e política de Defensa na Transición, a estudo nas Xornadas de Historia de UNED e Uvigo

17 de febrero de 2023

Do 6 ao 10 de marzo varios relatores exporán en liña e desde unha perspectiva académica o terrorismo de extrema esquerda, o de ETA e o etnonacionalista

OURENSE, 17 de febreiro de 2023. A UNED e a Uvigo poñen en marcha, un ano máis, as ben consolidadas Xornadas de Historia Contemporánea e do Tempo Presente, organizadas polo grupo de investigación HC1 e o grupo de innovación docente I2DH da Facultade de Historia de Ourense e a UNED, que gozan dunha longa tradición dentro do panorama historiográfico galego. Nesta edición propoñen un achegamento a diversos aspectos da política de Defensa na transición á democracia e á problemática do terrorismo.

Do 6 ao 10 de marzo de 2023 celebraranse as sesións, que consisten en 20 horas lectivas que dan dereito a obter 1 crédito ECTS. A asistencia será en liña en diferido. PROGRAMA

luns, 6 de marzo

16:15-16:30 h. Inauguración das xornadas con Julio Prada Rodríguez, doutor e profesor Titular de Historia Contemporánea na Uvigo e Profesor-Titor de UNED de Ourense, e con Jesús Manuel García Díaz, director de UNED Ourense e doutor en Historia Contemporánea.
16:30-18:00 h. A política de Defensa na longa transición militar e cara a transformación do Orde Internacional. Con Carlos Alberto Bueno Fernández, profesor de Ciencia Política e da Administración. Universidade de Granada.
18:00-19:30 h. A boca dos fusiles. O terrorismo de extrema esquerda contra a Transición. A esa hora intervirá Víctor Aparicio Rodríguez, doutor en Historia Contemporánea , Instituto Valentín de Foronda-Universidad do País Vasco.

martes, 7 de marzo

16:30-18:00 h. O terrorismo de ETA durante a Transición. Deste tema falará Gaizka Fernández Soldevilla, licenciado en Historia pola Universidade de Deusto e doutor en Historia Contemporánea pola Universidade do País Vasco. Responsable da área de Arquivo, Investigación e Documentación do Centro para a Memoria das Vítimas do Terrorismo.
18:00-19:30 h. Terrorismo e violencia etnonacionalistas durante a Transición, con Pablo García Varela, contratado posdoutoral. Universidade do País Vasco-Universidade de Vigo

mércores, 8 de marzo, xoves 9 de marzo e venres 10 de marzo,