Mapa web
Youtube
Instagram
Campus UNED

Luis Gulín, PAS na UNED de Ourense, nomeado Alférez Reservista Honorífico polo subdelegado provincial de Defensa 

2 de mayo de 2019

O homenaxeado, nado en Alemania, prestou servizo voluntario na Unidade de Tradutores Intérpretes

OURENSE, 2 de maio de 2019.- Ás veces, o persoal da  UNED tamén é noticia por feitos que non están relacionados coa súa actividade na Universidade, pero que merecen ser destacados. Iso dá mostra da variedade de persoal que integra esta gran familia chamada Universidade Nacional de Educación a Distancia. Un dos nosos compañeiros do persoal de administración e servizos, Luís  Gulín Iglesiass, foi o protagonista na xornada deste xoves, con motivo da celebración do Día do  Reservista Voluntario na sede da Subdelegación de Defensa en Ourense. Gulín, que é Alférez Reservista Voluntario, foi nomeado este ano Alférez Reservista Honorífico, por finalizar o seu compromiso coas Forzas Armadas. A relación deste traballador da UNED no Centro Asociado de Ourense, coa vida militar débese á súa condición de tradutor, pois como tal  estivo destinado, desde o ano 2006 ata o 2018 na Unidade de Tradutores Intérpretes (sección alemán) do Estado Maior do Exército de Terra en Madrid. Luís  Gulín naceu en Hannover (Alemaña) e fala perfectamente o idioma dese país.

O subdelegado de Defensa, coronel Gustavo Doncel Paredes, fixo entrega do diploma de honra e dun agasallo ao homenaxeado, en presenza doutros reservistas voluntarios da provincia de Ourense.

Un  Reservista Voluntario é un cidadán que desexa achegar, de forma voluntaria e temporalmente, as súas capacidades, habilidades e coñecementos, nas diferentes misións que levan a cabo as Forzas Armadas, no cumprimento da función que a Constitución lles asigna e como resposta aos compromisos asumidos polo Goberno. O  Reservista Voluntario permanece durante o seu compromiso en situación de "dispoñibilidade", desenvolvendo a súa vida e profesión "civil", e pasando anualmente por períodos de "activación" que serven para manter e mellorar a súa  cualificación e adestramento militar.

Luís  Gulín Iglesias desenvolve a súa acción civil como  PAS na  UNED. É licenciado en Dereito pola Universidade de Vigo, cursou o máster en Medios de Comunicación "La Voz de Galicia" pola Universidade da Coruña, é  DEA en Historia Contemporánea pola Universidade de Vigo e especialista en Dirección e Xestión de Comercio Exterior pola Universidade de Santiago.

Carretera de Vigo Torres do Pino  s/n Baixo 32001 Ourense - . Tel. 988371444 info@ourense.uned.es