A UNED celebra a III edición do seu ciclo de charlas sobre a Vía da Prata

24 de marzo de 2026

Os centros asociados de Zamora e Ourense prepararon sete relatorios sobre diversos aspectos do Camiño. O ciclo inaugurarase en Zamora, o 8 de abril e será clausurado en Ourense, o 19 de maio.

OURENSE, 24 de marzo de 2026. Os centros universitarios da UNED en Zamora e en Ourense presentan unha nova edición, a terceira, do ciclo de conferencias Os Camiños de Santiago: o camiño Mozárabe e Zamora e Ourense. Arquitectura, cultura e paisaxe. Será do 8 de abril ao 19 de maio e inclúe sete relatorios por outros tantos especialistas, que se celebrarán en diversas localidades de ambas as provincias: Zamora, Tábara, Santa Marta de Tera, Requejo, Laza, Cea e Ourense.

O curso propón un percorrido académico e cultural por un dos itinerarios históricos de peregrinación a Compostela. Ao longo de varias sesións celebradas en distintos enclaves significativos do propio camiño, especialistas en arte, historia, xeografía, patrimonio e estudos xacobeos analizarán o valor cultural, arquitectónico e natural deste tramo do Camino Mozárabe-Sanabrés. Desde monumentos e mosteiros emblemáticos ata paisaxes de gran riqueza ambiental.

Os directores da UNED en Zamora e Ourense, doutores Antonio Rodríguez González e Jesús Manuel García Díaz, aseguran que esta edición axuda a consolidar a cita anual da UNED con todo o que representa a Vía da Prata e contribúe a presumir do bo de ambas as provincias, xa que abrangue diversos aspectos como cultura, turismo, patrimonio, gastronomía... "Aos poucos, co tempo, iremos contribuíndo a espertar na sociedade o orgullo de pertencer a esta terra e crear as ganas de coñecer esas localidades pequenas nas que un día a UNED celebrou unha conferencia sobre algún dos fitos do Camiño. Ourense e Zamora teñen moito que mostrar e aínda que forman parte da España baleirada, son dúas provincias repletas de beleza e posibilidades para gozar aínda máis delas. Só temos que crérnolo e continuar traballando para consolidar algo tan positivo como necesario", apuntou García Díaz.

Este ciclo dispón de 13 horas lectivas e as sesións serán sempre en horario de tarde, a partir das 19.00 horas.

Programa

Mércores, 8 de abril. Zamora.

18.45-19.00 h. Inauguración do curso: Director Xeneral de Turismo JCyL, Ángel González Pieras; Presidente da Xunta Reitora UNED Zamora, Víctor López de la Parte; Director de UNED Zamora, Antonio González Rodríguez; Director de UNED Oursense, Jesús Manuel García Díaz.
19.00-20.00 h. Conferencia inaugural. (Zamora) Ángel González Pieras, director Xeneral de Turismo da Junta de Castilla y León e Comisario dos Camiños de Santiago.
20.00-21.00 h. Castrotorafe: unha encomenda Santiaguista. Con Jose Carlos de Lera Maillo, doutor en Historia. Arquivo Catedralicio, Diocese de Zamora.
20.30-21.00 h. Clausura do curso: Director de UNED Ourense, Jesús Manuel García Díaz; Director de UNED Zamora, Antonio González Rodríguez.

Mércores, 15 de abril. Tábara.

19.00-21.00 h. O Scriptorium de Tábara, con Fernando Regueras Grande, do Centro de Estudos Benaventanos Ledo del Pozo.

Mércores, 22 de abril. Santa Marta de Tera.

19.00-21.00 h. O camiño Sanabrés de Benavente a Puebla. Disertará José Ignacio Martín Benito, doutor en Historia.

Mércores, 29 de abril. Requejo.

19.00-21.00 h. O espazo natural do Lago de Sanabria, e as súas contornas simbólicas. Intervén Valentín Cabero Diéguez, catedrático da Universidade de Salamanca.

Mércores, 6 de maio. Laza.

19.00-21.00 h. O Camiño sanabrés: medio século de experiencia e reflexión. Esta conferencia será ofrecida no salón municipal do Concello de Laza por Ramón Fernández Fernández, escritor, fotógrafo e divulgador do Camino de Santiago.

Mércores, 13 de maio. Cea.

19.00-21.00 h. O mosteiro de Oseira e a súa importancia no camiño de peregrinación a Compostela. No Centro cultural de Cea, con Francisco Javier Limia Gardón, doutor en Historia da Arte.

Martes, 19 de maio. Ourense.

19.00-20.30 h. O imaxinario colectivo: tradicións xacobeas e cosmovisión na peregrinación a Compostela. Conferencia de Francisco Singul Lorenzo, doutor en Historia da arte. esta sesión será no Centro Cultural Marcos Valcárcel da capital ourensá.

Asistencia

Esta actividade permite participar con asistencia presencial ou asistencia en liña en directo ou en diferido.

Inscrición

Teña en conta que cos datos achegados na súa solicitude de matrícula confecciónanse os certificados. Asegúrese de que son correctos e están completos. Comprobe que o seu correo electrónico é correcto. A inscrición permite matricularse de modo gratuíto.

Inscrición aquí.

Colaboran: Ayuntamiento de Zamora, Fundación Caja Rural de Zamora; Diputación de Zamora; Cátedra de Población, Vinculación y Desarrollo de UNED Zamora, Asociación de Caminantes de castilla y León; Deputación de Ourense; UTAD, Xunta de Galicia y Concello de Ourense.