A asociación Mirada Mulleres +60 visita a UNED

25 de junio de 2025

A súa presidenta interesouse pola acción que desenvolve UNED-Sénior en Ourense, sendo invitada polo director, para que as socias se matriculen no próximo curso. Coñecerenon que esta oportunidade enriquecerá a vida intelectual e social de quen nela participan.

OURENSE, 25 de xuño de 2025. Membros da directiva da asociación Mirada Mulleres +60 visitaron esta mañá a sede de UNED Ourense. Foron recibidas polo director, Jesús Manuel García Díaz, e pola coordinadora de UNED-Sénior, María Concepción Álvarez Gómez. Asistiron a presidenta, María Antonia Rilo Veiga, á que acompañaban Rosa Martínez Rodríguez, Isabel Fernández Moreira e Ana María Méndez Gómez.

Na reunión, Rilo Veiga presentou a asociación á Dirección de UNED Ourense, destacando que o obxectivo é dar voz á muller, "que se escoite a nosa voz". Presentaron o seu decálogo fronte ao idadismo, no que sosteñen:

O envellecemento é parte dun proceso vital que non se debe invisibilizar.
Deberá fomentarse a formación en contra do Idadismo de forma activa, xa desde idades temperás.
Valoraremos as achegas que desde cada etapa da vida fanse á comunidade coa transmisión de coñecementos, de habilidades, de actitudes e de valores.
Reivindicaremos a implementación de intervencións interxeracionais para facer desaparecer prexuízos e estereotipos entre os distintos grupos de idade.
Proxectaremos a nosa visión nos medios de comunicación buscando un cambio en actitudes idadistas e procurando maior visibilidade ao papel que desenvolven as persoas maiores na sociedade.
Queremos que as Administracións Públicas e as institucións velen por facilitarnos o goce dos nosos dereitos: que velen e rompan as barreiras sociais que, máis que as nosas debilidades individuais, dificúltano ou impiden.
Evitarase a discriminación aos maiores, derivada da fenda dixital, facilitando formación e apoio para o uso adecuado das novas tecnoloxías.
Propiciarase a participación das persoas maiores nas tomas de decisións que afecten á súa vida persoal, familiar e social.
Combateremos os estereotipos e prexuízos que alimentan o autoedadismo propio e o da contorna.
Sensibilizar sobre a diversidade de perfís nas persoas maiores reclamando o mantemento da identidade individual máis aló da idade.

Rilo explicou, ademais, as actividades que teñen previsto realizar á volta do verán e mostrou o seu interese por contar tamén coa UNED-Sénior. García Díaz díxolle que este ano a UNED-Sénior de Ourense cumpre o seu décimo aniversario e que poderán matricularse nela cantas socias queiran, sabendo que cada materia ten un prezo de 25 euros, subvencionando a Deputación o resto ata 50 euros. E que as clases son os luns e xoves pola tarde, no Centro Cultural Marcos Valcárcel. Alí cursan oito materias que os matriculados escollen. O director de UNED Ourense convidounas a matricularse e Rilo indicou que o van a propoñer na asociación. A coordinadora, María Concepción Álvarez Gómez, díxolles que indo ás clases na UNED-Sénior as persoas manteñen activa a súa mente, adquiren coñecementos, relaciónanse entre elas e están activas, sen quedar encerradas en casa. Contra iso loita tamén a asociación, pois Rilo Veiga teno claro e non desexan iso.

Os cursos de UNED-Sénior non forman parte dos ensinos oficiais da UNED. Son cursos breves, ao redor das 30 horas por cuadrimestre. Por tanto, para ser estudante de UNED Sénior non é necesario cumprir ningún requisito de formación nin ter estudos previos. Así que, se estás a buscar unha actividade que che anime a seguir aprendendo, manterche activo, divertirche e coñecer a outras persoas cos teus intereses, UNED-Sénior Ourense pode ser unha excelente opción.