Curso UNED de Intelixencia Artificial para a sociedade

27 de octubre de 2025

O 14 e o 15 de novembro impartirase na Aula de A Rúa un programa docente que permitirá coñecer o servizo da IA tanto no eido educativo como laboral, e na nosa vida coti.

OURENSE, 27 de outubro de 2025. UNED Ourense organiza, por primeira vez na súa Aula de Extensión Universitaria da Rúa de Valdeorras, un curso sobre Intelixencia Artificial para a sociedade. Cun amplo abano de temas a tratar, durante dous días explicarase como a IA pode servir de apoio a nivel educativo, laboral e mesmo na vida diaria. Esta actividade vai dirixida a todos os interesados en achegarse ao mundo da IA desde unha perspectiva ampla, integradora e moi completa, fundamentada na experiencia dos relatores.

Hoxe, sobre todo a nivel laboral, é de obrigado cumprimento estar ao día neste tipo de procesos, os cales nos van a permitir a automatización de tarefas, nalgúns casos a mellora da eficiencia e produtividade, potenciar a innovación e a creatividade, axilizar a toma de decisións etc. E tratando á vez o seu uso desde o punto de vista ético, os seus riscos e lexislación. Empezando pola súa historia e a súa evolución, tipos de IA, definición e lexislación, o curso irase enfocando en aplicacións a nivel laboral e sobre todo, educativo.

Os relatores contan con ampla formación e experiencia en impartir cursos sobre Intelixencia Artificial. Son: Fina Paulos Lareo, Profesora de ensino secundario na especialidade de Informática e Óscar Manuel Rey Calo, Profesor de ensino secundario na especialidade de Sistemas e Aplicacións Informáticas, ambos exercen a súa profesión no IES Maximino Romero de Lema (Zas-A Coruña). Ambos docentes figuran entre os dez profesores finalistas dos Premios Educa Abanca Mejor Docente de España 2025. Concretamente Fina Paulos y Óscar Rei é finalista na categoría de Educación Secundaria, mentras que el, eo na de Formación Profesional.

Este curso terá lugar os días 14 e 15 de novembro de 2025 na aula UNED da Rúa, consta de 8 horas lectivas e poderá seguirse de modo presencial ou en liña, ben en director ou en diferido. As prazas son limitadas.

O programa é o seguinte:

Venres, 14 de novembro 16:00-20:00 h.

Unidade 1. Introdución á IA.

Historia e evolución da IA.
Definición de IA, aprendizaxe automática e redes neuronais.
Tipos de IA: débil vs forte, natural vs artificial.
Aprendizaxe automática: Machine Learning, uso de Teachable Machine.
Aplicacións prácticas de IA na sociedade actual.
Uso ético, lexislación e riscos (rumbos, privacidade etc.).

Unidade 2. IA xenerativa de texto.

Que é a IA xenerativa? (modelos de linguaxe).
Elaboración dun prompt efectivo.
Asistentes conversacionales: ChatGPT, Gemini, Copilot.
Plataformas de procura e análise con IA: DeepSeek, Perplexity, NoteBookLM.
Plataformas de desenvolvemento e experimentación: Google AI Studio.
Creación de contidos impulsados por IA: rúbricas, actividades e probas.
Detección de plaxio e autoría.

Unidade 3. IA xenerativa de imaxe.

Acceso anonimizado ás aplicacións IA
Prompting para imaxes: descricións, estilos, prompts negativos
Dereitos de autor, deepfakes Ferramentas IA para xerar e editar imaxes: Microsoft Designer, Leonardo.ai, PicWish Blockade Labs, PicLumen, Google AI Studio (Nano Banana).

Sábado, 15 de novembro 10:00-14:00 h. Unidade 4.

IA Xenerativa de vídeo.
O deepfake como medida de reforzo.
Exemplos reais.
Creación de contidos audiovisuais accesibles e personalizados.
Narrativas dixitais, storytelling, vídeos explicativos.
Xeración automática de vídeos: Invideo, Grok Imaxine, Adobe Firefly e Google AI Studio.

Unidade 5. IA aplicada ao son e música.

Tradución dun vídeo de forma automática: HeyGen.
Creación musical con SUNO e Google AI Studio.
Mellora de calidade sonora con Adobe Podcast e Audacity.

Unidade 6. A IA como apoio á diversidade.

A IA na educación inclusiva e a diversidade.
Casos prácticos con IAs conversacionales.
O impacto da IA na integración de persoas con trastornos sensoriais: Natural Reader, Speechtexter, Google Docs, Canva.
Inmersión lingúística: Google Translate, HeyGen.
Chatbots e asistentes virtuais (ElevenLabs).

Unidade 7. Recursos multimedia abertos.

Imaxes, iconas, vídeos e música con licenza Creative Commons.
Plataformas: Freepik, Flaticon, Pixabay, Pexels, INTEF etc.
Matrícula ordinaria: É de 35 euros.
Profesores titores de UNED Ourense: será gratuíta.

Matrícula ordinaria:

É de 35 euros.
Profesores titores de UNED Ourense: será gratuita.

Obxectivos

Coñecer as bases conceptuais da Intelixencia Artificial (IA).
Explorar o uso de ferramentas de IA xenerativa aplicadas a texto, imaxe, vídeo e son e ver a súa aplicación en diferentes ámbitos da vida.
Aplicar ferramentas de IA para a creación de materiais multimedia.
Capacitar ao alumnado nos fundamentos, aplicacións e reflexións éticas da IA, combinando teoría, prácticas e pensamento crítico.
Fomentar un uso ético, seguro, responsable e legal da IA na sociedade

Metodoloxía