CRUE – Universidades Españolas defende a presencialidade dos exames universitarios
Nun comunicado oficial, a institución, que representa a máis de 70 universidades públicas e privadas do país, condena “a campaña iniciada contra as probas presenciais da universidade, en xeral, e da UNED, en particular”
OURENSE, 19 de xaneiro de 2022. CRUE – Universidades españolas, a organización sen ánimo de lucro que representa de forma oficial a 50 universidades públicas e 26 privadas do país, ven de emitir hoxe un comunicado no que defende a presencialidade dos exames universitarios e condena a campaña iniciada en contra da mesma.
Na súa nota, Crue afirma que “as universidades españolas acreditaron ser espazos seguros, aplicando as medidas hixiénico-sanitarias establecidas en casi dous anos de pandemia polas autoridades de Saúde Pública e Universidades”.
Accede aquí ao comunicado completo
___________________________________________________________________________________________________________________________________________________________________________________
Comunicado na defensa dos exames presenciais na Universidade
Madrid, 19 de xaneiro de 2022
As universidades españolas acreditaron ser espazos seguros, aplicando as medidas hixiénico-sanitarias establecidas en casi dous anos de pandemia polas autoridades de Saúde Pública e Universidades. Por elo, Crue Universidades Españolas condena a campaña iniciada contra as probas presenciais da Universidade, en xeral, e da UNED, en particular.
Crue defende a máxima presencialidade na realización dos exames dentro da maior normalidade posible como a mellor opción para garantir o dereito á avaliación dos estudantes universitarios, sempre que se garanta o cumprimento de todas as condicións e medidas sanitarias en vigor na comunidade autónoma onde radique o centro correspondente.
No momento actual, no que as autoridades sanitarias e de universidades non habilitaron outra posibilidade, a avaliación hase de realizar conforme aos estatutos e ás memorias dos plans de estudo aprobados pola Axencia Nacional de Avaliación da Calidade e Acreditación (ANECA) e o Consello de Universidades.
Por outra parte, a presencialidade nas actividades universitarias ten sido unánimemente respaldada no Consello Interterritorial do Sistema Nacional de Saúde celebrado o pasado 4 de xaneiro de 2022.
UNED Ourense
Comunicación
