O Campus Noroeste da UNED celebra un curso sobre testemuñas artísticas e documentais do Camiño de Santiago
Ourense aporta unha conferencia da profesora Yolanda Barriocanal titulada: Fontes para o estudo do trazado e territorio histórico do Camiño de Santiago, Via da Prata
OURENSE, 13 de decembro de 2019.- O Campus Noroeste da UNED, ao que pertencen todos os centros asociados de Galicia, Asturias, Castela-León e Estremadura, está a celebrar, ata o próximo mes de febreiro de 2020, un curso sobre o Camiño de Santiago, baixo o título: Os camiños a Santiago na Idade Media: testemuños artísticos e documentais, tema que a todos eles toca polas zonas nas que se sitúan. Este curso, que se pode seguir de maneira presencial no centro onde ten lugar cada conferencia, ou por streaming, vai dirixido a estudantes do grao en Historia da arte e en Xeografía e Historia, profesores de ensino secundario nestas materias e persoas interesadas en ampliar coñecementos sobre a arte románica e gótica.
Baixo a organización de Enrique Gallego Lázaro, coordinador de Extensión Universitaria no Campus Noroeste da UNED, os relatores son: Inés Monteira Arias, profesora titular de Historia da arte na UNED, os historiadores José Manuel Rodríguez Montañés, Miguel Alba Calzado e Aida Sara Vitoria Menéndez. Tamén interveñen neste ciclo Miguel Larrañaga Zulueta, vicerreitor da IE University; Yolanda Barriocanal López, profesora titular de Historia da arte na Uvigo; ademais dos tamén historiadores José Luis Hernando Garrido, Sandra de Arriba Canteiro e Israel Sanmartín Barros.
No caso ourensán, a cita fixouse para o 5 de febreiro, ás 19.00 horas, no salón de actos do Centro Cultural Marcos Valcárcel. Alí, Yolanda Barriocanal expoñerá a súa conferencia titulada: Fuentes para o estudo do trazado e territorio historico do camiño de Santiago, Via da Prata.
Este ciclo comezou o 29 de outubro e terminará o 27 de febreiro de 2020. As sesións que faltan por celebrar terán lugar o 13, 16 e 20 de xaneiro, e o 5 e 27 de febreiro. Os centros asociados que participan neste proxecto son os seguintes: Asturias, A Coruña, Lugo, Mérida, Ourense, Palencia, Ponferrada, Pontevedra, Segovia e Zamora.
Polo momento estas son as ligazóns ás conferencias que foron dadas en outubro e novembro:
Martes, 29 de outubro de 2019
Martes, 12 de outubro de 2019
Luns, 25 de novembro de 2019
