A Uvigo e a UNED estreitan as súas relacións en Ourense

28 de octubre de 2021

Na reunión ambas partes subliñaron a sinerxía de colaboración existente entre as dúas institucións académicas

OURENSE, 28 de outubro de 2021. Este xoves a doutora Esther de Blas, vicerreitora do campus de Ourense, reuniuse coa doutora Rosa María Martín Aranda, vicerreitora primeira e vicerreitora de Investigación, Transferencia do Coñecemento e Divulgación Científica da Universidad Nacional de Educación a Distancia (UNED), e co doutor Jesús Manuel García Díaz, director de UNED Ourense. Durante o encontro, que tivo lugar na sede do campus de Ourense, destacouse a sinerxía de colaboración existente na cidade das Burgas entre as dúas institucións académicas e o desexo de continuar estreitando as relacións existentes no eido institucional e académico. De feito, a colaboración é veterana e vese por exemplo, nas xornadas anuais de Historia que organizan ambalas dúas universidades desde fai máis dunha década. Foi unha visita institucional moi cordial entre as dúas partes.