Mapa web
Youtube
Instagram
Campus UNED

As Probas do Curso de Acceso da UNED para maiores de 25-45 anos se realizarán os días 9, 10 e 11 de xullo

23 de abril de 2020

O vicerreitor de Estudantes i Emprendemento, Alberto Mingo, sinala que serán presenciais “por estricta esixencia ministerial”

OURENSE, 23 de abril de 2020.- Os alumnos que están a preparar o Curso de Acceso para Maiores de 25-45 anos e a Proba de avaliación que conleva o acceso á universidade e/ou a titulación convalidante dos estudos medios, van ter eses exames de forma presencial do 9 ao 11 de xullo. O vicerreitor de Estudantes e Emprendemento, Alberto Mingo, aclara a estes estudantes que “o Curso de Acceso para maiores de 25-45 é formativo e preparatorio para a superación das Probas de Acceso á Universidade para Maiores de 25-45 anos que veñen reguladas, programadas e deseñadas polo Ministerio de Educación e Formación Profesional. A nosa universidade, por tanto, depende das decisións e directrices do mencionado ministerio nesta materia. Neste sentido, a UNED, dentro das datas propostas polo Ministerio, atrasou ao máximo posible as mesmas fixando a realización das probas do 9 ao 11 de xullo. Os días 9 e 10 de xullo levarán a cabo as probas das materias específicas, e o 11 de xullo desenvolveranse as probas das materias xerais, así como as probas de reserva. O calendario definitivo pódese descargar aquí mesmo”. “Esperamos que a atención on- line dos titores e os profesores da Sede central estea a resultarche de utilidade”, sinala o vicerreitor, ademais de informar de que “se implementaron medidas de adaptación das mencionadas probas co obxectivo de dotar aos exames da maior optatividad para o estudante. En breve detallaranse as adaptacións concretas nas probas de cada materia”. Alberto Mingo lembra a todos os estudantes afectados que “por estrita esixencia ministerial a realización das probas é presencial”. Por último lémbralles que calquera dúbida que teñan de carácter formativo deben transmitila aos seus titores, ao equipo de dirección do Centro Asociado ao que pertenza o estudante ou aos profesores da Sede central.

Carretera de Vigo Torres do Pino  s/n Baixo 32001 Ourense - . Tel. 988371444 info@ourense.uned.es