Curso de experto profesional en Tecnoloxías Aplicadas ao Patrimonio Cultural

A UNED ofrece esta proposta formativa para expertos en xestión do patrimonio cultural e para quenes queiran formarse profesionalmente neste campo. O prazo de matrícula ábrese desde o 3 de maio ata o 20 de xullo.

OURENSE, 3 de maio de 2023. A UNED ofrece un curso de experto profesional en Tecnoloxías Aplicadas ao Patrimonio Cultural, dirixido a profesionais con experiencia no campo da xestión do patrimonio cultural, así como a persoas interesadas en formarse profesionalmente neste eido, que queiran coñecer e afondar nas oportunidades que ofrece a tecnoloxía para o sector.

Cada título de Experto Profesional de 15 créditos será gratuito para os que estean en posesión de algunha das seguintes titulacións: 

• Grao/Licenciatura en Historia da Arte.
• Grao/Licenciatura en Arqueoloxía.

• Grao/Licenciatura en Xeografía e Historia, Historia, Xeografía o Humanidades.

• Grao/Licenciatura/Segundo ciclo de FP en Conservación-Restauración.

• Diplomaturas das Escolas Superiores de Conservación Restauración de Bens Culturais (Lei Orgánica 1/1990).

• Titulación Superior en conservación-restauración de bens culturais, impartido nas Escolas Superiores de Conservación Restauración de Bens Culturais (Ley Orgánica 2/2006).

• Grao/Licenciatura en Belas Artes.

• Grao/Licenciatura en Arquitectura e Arquitectura Técnica.

• Grao/Licenciatura en Ciencias da Información (Xornalismo, Comunicación Audiovisual e Publicidade).

• Grao/Licenciatura en Antropoloxía.

• Grao/Licenciatura en Biblioteconomía e documentación.

• Grao/Licenciatura en Turismo.

Titulacións oficiais da UNED en poboacións de menos de 50.000 habitantes e que de seguido se detallan:  

• Mestrado Universitario en Métodos e Técnicas Avanzadas de Investigación Histórica, Artística e Xeográfica.
• Mestrado Universitario en Investigación en Historia da Arte.
• Doutoramento Programa Historia e Historia da Arte e Territorio.

No caso de titulacións estranxeiras, estas deberán teren sido previamente homologadas polo Ministerio de Educación e Formación Profesional no momento da matriculación.

Para os estudantes en réxime de gratuiudade, realizarase unha proba durante as dúas primeiras semanas da formación dentro do Módulo O patrimonio cultural na era dixital, que se deberá superar para manter a gratuidade e a matrícula na edición en curso. 

Por medio deste proxecto se proporcionan as competencias específicas necesarias para o uso das tecnoloxías da información e a comunicación na dixitalización, conservación, restauración, xestión, documentación, difusión e posta en valor do Patrimonio cultural.

Dentro do Proxecto Tecnoloxías Aplicadas ao Patrimonio Cultural ofertaranse dous cursos, de modalidade en liña, nos que se ofrecerá aos estudantes diversos módulos conducentes a dúas titulacións de experto profesional:

• Tecnoloxías Avanzadas para a Xestión e Documentación do Patrimonio Cultural  
• Tecnoloxías Avanzadas para a Difusión e Posta en Valor do Patrimonio Cultural. 

Ambos os dous cursos contarán cun módulo de formación conxunta, denominado O patrimonio cultural na era dixital. A partires de aí, diversificaranse en varios módulos específicos. Cada módulo ofrece tanto contido obrigatorio de carácter teórico como práctico, cunha dedicación estimada do 60% de contido teórico (75 h.) e 40% de contido práctico (50 h.). Esta oferta formativa terá lugar ao longo de catro edicións semestrais desde setembro de 2023 ata xullo de 2025. 

Obxectivo deste proxecto é o de proporcionar as competencias específicas necesarias para o uso das tecnoloxías da información e a comunicación na dixitalización, conservación, restauración, xestión, documentación, difusión e posta en valor do patrimonio cultural. Do mesmo xeito téntase  xerar ferramentas de capacitación que utilicen o potencial do patrimonio cultural como recurso de valor para fomentar a profesionalización do sector, impulsar a accesibilidade, a cohesión social e a democratización. Os obxectivos destos dous cursos entroncan coa Axenda Dixital España 2025, dirixida ao conxunto da poboación e que persigue a dixitalización da escola ata a universidade, pasando pola recualificación no traballo, con especial atención ao peche da fenda de xénero, ao pulo da formación nas zonas en declive demográfico e á inclusión dixital. 

Esta oferta formativa da dereito a obter os seguintes títulos e créditos:

• DIPLOMA DE EXPERTO PROFESIONAL en Tecnoloxías Avanzadas para a Difusión e Posta en Valor do Patrimonio Cultural. 15 ECTS.

• DIPLOMA DE EXPERTO PROFESIONAL en Tecnoloxías Avanzadas para a Xestión e Documentación do Patrimonio Cultural. 15 ECTS.

Módulos do programa, calendario e prezo.

Cada módulo ten 5 créditos e custa 300,00 € e todos se desenvolverán do o 11 de setembro de 2023 ao 15 de febreiro de 2024.

• Modulo 0001. O patrimonio cultural na era dixital. 

• Módulo 0002. Dixitalización do patrimonio cultural. 

• Módulo 0003. Fotogrametría dixital e modelado tridimensional. 
• Módulo 0004. Ferramentas dixitais para a xestión do patrimonio. 
• Módulo 0005. Ferramentas dixitais para a xestión patrimonial do territorio e a paisaxe. 
• Módulo 0006. Realidade aumentada e realidade virtual aplicada ao patrimonio.
• Módulo 0007. O deseño gráfico como ferramienta estratéxica.
• Módulo 0008. Planificación e desenvolvemento de Webs e Apps.
• Módulo 0009. Ferramentas dixitales para a difusión patrimonial. 

Axudas ao estudo e descontos

Pódese atopar información xeral sobre axudas ae estudo e descontos nesta ligazón.

Debe facer a solicitude de matrícula marcando a opción correspondente, e posteriormente enviar a documentación ao correo: descuentos@fundacion.uned.es

Itinerario

Tecnoloxías Avanzadas para a Difusión e Posta en Valor do Patrimonio Cultural (DIPLOMA DE EXPERTO PROFESIONAL)

Para obter a titulación Tecnoloxías Avanzadas para a Difusión e Posta en Valor do Patrimonio Cultural é preciso:

• Aprobar os 5 créditos correspondentes ao módulo 0001. E tamén... 
• Aprobar un total de 10 créditos a elexir entre os módulos 0006, 0007, 0008 e 0009.

Tecnoloxías Avanzadas para a Xestión e Documentación do Patrimonio Cultural (DIPLOMA DE EXPERTO PROFESIONAL)

Para obter a titulación Tecnoloxías Avanzadas para a Xestión e Documentación do Patrimonio Cultural é preciso:

• Aprobar os 5 créditos correspondentes ao módulo 0001. E tamén...
• Aprobar un total de 10 créditos a elexir entre os módulos 0002, 0003, 0004 e 0005.

Metodoloxía e actividades

 A metodoloxía de traballo será a propia do ensino a distancia na UNED. Con medio século de experiencia na formación, esta universidade caracterízase por ofrecer unha modalidade de educación a distancia semipresencial, baseada nas novas tecnoloxías.

 Os cursos de formación en liña estarán construídos sobre unha plataforma de aprendizaxe usando e adaptando os recursos propios da UNED, que permite impartir e recibir formación, xestionar e compartir documentos (de texto, audio e vídeo, html), e interactuar co resto dos compañeiros e profesores do curso. Cada curso contará co seu propio espazo virtual diferenciado, ao que únicamente poderán acceder aqueles estudantes matriculados no devandito curso. Todos os cursos conterán as mesmas ferramentas de contidos, avaliación e comunicación no seu espazo virtual, adaptadas ás características e necesidades de cada módulo. Entre as ferramentas que estarán dispoñibles destacan os foros (destinados para resolver dúbidas de contidos, de notificación de incidencias técnicas da plataforma etc.)/ etc.); aplicación de webconferencias para a comunicación entre estudantes e profesores; o calendario académico; a guía docente; un espazo de noticias ou taboleiro de anuncios; unha área de descarga de documentos e materiais docentes; un espazo de avaliación, cuestionarios e entrega de tarefas e actividades, enquisas de calidade, entre outras. Así mesmo, poderanse ofrecer clases de titoría semanal de maneira síncrona a través de sistemas de videoconferencia, nas que se poderán tratar os aspectos que os profesores e estudantes consideren necesarios. Estas sesións quedarán gravadas para o seu visionado cando o estudante considere oportuno. A plataforma estará dispoñible 24/7 durante o período estimado do curso, para que realicen todas as actividades do curso ao ritmo de aprendizaxe que estime cada un/a. Tanto os profesores como os estudantes recibirán unha guía de uso e funcionamento detallado sobre a plataforma ao comezo da formación. Crearanse por parte do equipo docente os materiais e recursos dixitais que se consideren necesarios para o estudo, que se incorporarán ao espazo virtual de cada un dos módulos. No marco deste proxecto poderán celebrarse actividades formativas adicionais ligadas aos contidos do curso (ciclos de conferencias, encontros de expertos profesionais, talleres específicos), en formato presencial coa posibilidade de seguimento en liña. O seguimento destas actividades será optativo e non avaliable

Duración e dedicación

Do 11 de setembro de 2023 ao 15 de febreiro de 2024, en total 23 semanas.

A carga de dedicación semanal estímase entre 20/21 horas por parte do estudante. Todos os materiais de estudo estarán dispoñibles no curso virtual sen custo adicional.

Atención ao estudante

O estudantado contará co apoio dun nutrido grupo de profesionais dedicado ao seguemento e apoio titorial das actividades expostas polos equipos docentes. A actividade titorial corresponde, en primeiro lugar, aos membros docentes dos diferentes módulos, responsables dos contidos e do deseño das actividades de avaliación. Os docentes velarán polo bo funcionamento do curso e a resolución de dúbidas de contidos que poidan xurdir través das ferramentas propias do curso virtual. 

Nos módulos cun compoñente de traballo práctico específico, o alumnado dispoñerá adicionalmente da axuda dun Equipo de Apoio especialista no manexo das ferramentas dixitais. Este Equipo de Apoio dará soporte directo, vía chat ou conexión en liña en remoto, a calquera tipo de dúbida ou incidencia ligada ao uso do software dixital, garantindo que todos os alumnos dispoñan da asistencia e atención necesaria para a consecución dos obxectivos do curso.

Todas as dúbidas relacionadas coa matriculación resolveranse a través do correo e teléfonos de contactos indicados.

Criterios de avaliación e cualificación 

Para a obtención do título propio a que dén dereito os estudos de Formación Permanente realizados, os estudantes deberán superar o correspondente proceso de avaliación. En ningún caso a simple matriculación dará lugar á súa obtención. A cualificación será "apto", "non apto" ou "non presentado" e referirase á totalidade dos créditos asignados ao curso. A avaliación dos módulos levará a cabo a través dunha serie de actividades teóricas e prácticas propostas polos equipos docentes.

Para os alumnos en réxime de gratuidade realizarase unha proba durante as dúas primeiras semanas da formación dentro do Módulo O patrimonio cultural na era dixital, que se deberá superar para manter a gratuidade e a matrícula na edición en curso. 

Equipo docente

Codirectores UNED: 

Martínez Lombó, Enrique.

 Martínez Piñeiro, Joaquin. 

Pardo Abad, Carlos Javier. 

Paulino Montero, Elena. 

Soto Caba, María Vitoria. 

Hai máis dunha vintena de profesores colaboradores tanto da UNED como externos. 

Matriculación

Os períodos de matriculación son os seguintes: 

• Do 3 de maio ao 20 de xullo de 2023. 
• Do 24 de agosto ao 10 de setembro de 2023.

Fundación UNED

C/ Guzmán o Bo, 133 - Edificio Xermania,1ª planta 28003 Madrid Teléfonos: +34 913867275 / 1592 Correo electrónico: rdiaz@fundacion.uned.es http://www.fundacion.uned.es

INSTRUCIÓNS DE MATRICULA 

Descargue as instrucións de matricula na seguinte ligazón

Os módulos teñen prazas limitadas (625 nos módulos do 2 ao 9, 2.500 módulo 1), tendo preferencia os estudantes que cumpran requisitos para obter a subvención. 

• 1er Período: Para estudantes con dereito a gratuidade de matrícula. As solicitudes iranse atendendo por orde de chegada. Anularanse aquelas solicitudes de alumnos que non cumpran cos requisitos para obter a subvención: do 3 de maio ao 20 de xullo. 
• 2do Período: Só abrirase no caso de que non se cubrisen as prazas dispoñibles. As solicitudes iranse atendendo por orde de chegada: do 24 de agosto ata o 10 setembro.

UNED Ourense

Comunicación